Ramazan ayı münasibətilə təşkil edilən xeyriyyə tədbiri
"Səhliyalı" şirkətinin rəhbərliyinin göstərişi əsasında müqəddəs Ramazan ayı münasibətilə Abşeron rayonunun Saray qəsəbəsində yerləşən 2 saylı sağlamlıq imkanları məhdud uşaqlar üçün Sosial Xidmət Müəssisəsində xeyriyə aksiyası təşkil edilib. Şirkətin İctimaiyyətlə əlaqələr şöbəsindən verilən məlumata görə, "Uşaq sevinci" adı verilən aksiyanın məqsədi bu mübarək ayda sağlamlıq imkanları məhdud uşaqları ziyarət etmək, onların cəmiyyətə inteqrasiyasında fəal iştirak etmək, sevindirmək və bu sevinclərinə şərik olmaqdır.
Azərbaycan Respublikasının Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin icazəsi ilə keçirilən və #uşaqsevinci adı verilən aksiyanın davamlı olacağı, digər sosial xidmət müəssisələri və ölkənin ucqar ərazilərində yaşayan uşaqlar üçün də davamlı xarakter daşıyacağı qeyd edilib.
