“SƏHLİYALI” şirkətindən ordumuza növbəti dəstək

“Səhliyalı” şirkəti Azərbaycan Ordusuna yenidən öz dəstəyini nümayiş etdirib. Şirkətin İctimaiyyətlə əlaqələr şöbəsindən verilən məlumata görə, bu dəfəki dəstək kampaniyası çərçivəsində cəbhəyə 6 müxtəliftutumlu yük avtomobili ilə  ərzaq məhsulları, şəxsi heyətin gündəlik tələbatlarını qarşılamaq üçün ləvəzimatlar, o cümlədən iki ədəd cərrahiyyə aparatı göndərilib

“Azərbaycan ordusunun ötən ayın 27-də düşmənə qarşı başlatdığı cavab həmlələri və işğal olunmuş rayonlarımızda həyata keçirdiyi antiterror əməliyyatları, bunun fonunda qazanılan uğurlar hər bir ölkə vətəndaşı, şirkət rəhbərliyi kimi bizi də qürurlandırır.  Müdafiə Nazirliyinin paylaşdığı görüntülərdən də aydın olur ki, əsgər və zabitlərimizin əhval-ruhiyyəsi yüksək səviyyədədir. Biz də arxa cəbhə olaraq, əsgər və zabitlərimizə dəstəyimizi bu cür nümayiş etdiririk. Düzdür, bir neçə gün əvvəl Müdafiə Nazirliyi məlumat yayaraq qeyd etdi ki, hazırda Azərbaycan Ordusunun heç bir yardıma ehtiyacı yoxdur. Daim həmrəy olan insanlarımızın son günlər bir-birilərinə qarşı göstərdikləri daha isti münasibət bir vətəndaş və ölkədə fəaliyyət göstərən şirkət kimi bizi də qürurlandırır.”

Qısa zamanda qələbə xəbərləri eşidəcəyimizə, işğal altında olan torpaqlarımızın azad olunacağına, qaçqın və məcburi köçkünlərimizin tezliklə öz yurd-yuvalarına qovuşacaqlarına əminliyimizi ifadə edirik”, – deyə şirkətdən qeyd edilib.

Qeyd edək ki, “Səhliyalı” şirkəti ötən həftə də ordumuza öz dəstəyini nümayiş etdirmək üçün müxtəlif məhsullar göndərimişdi.

Şirkətin cəbhə bölgəsinə göndərdiyi məhsulların siyahısını təqdim edirik:

30 000 ədəd “Duracell” markalı batareyalar

2 ədəd cərrahiyyə avadanlığı

34 baş kəsilmiş qoyun əti

4 baş kəsilmiş dana əti

“Min Bərəkət, Halal Nemət” brendinə məxsus, xüsusi reseptura ilə hazırlanmış 3200 kiloqram kolbasa (təxminən 12 min ədəd)

2 ton toyuq filesi

2 ton toyuq budu

Şirkətin “Min Bərəkət, Dadlı Nemət” brendinə məxsus 1500 kiloqram pendir

8000 ədəd qablaşdırılmış su

5000 ədəd alışqan

3000 qutu siqaret

5100 ədəd isti corab

5000 ədəd əl sabunu

100 kiloqram çərəz

2000 ədəd snikers

Şirkətin “Min Bərəkət, Dadlı Nemət” brendinə məxsus 1000 ədəd süd məhsulu