Leyla müəllimə və tələbələri ilə #UşaqSevinci 2

“Səhliyalı”şirkətinin əməkdaşları son vaxtlar sosial şəbəkə hesabında şagirdləri ilə çəkdiyi maraqlı videolarla məşhurluq qazanan Lənkəranın Jidi kənd məktəbinin ibtidai sinif müəllimi Leyla Qarazadə ilə görüşüblər.

Şirkətin İctimaiyyətlə əlaqələ şöbəsindən verilən məlumata görə, Jidi kənd ümumi orta məktəbinə baş çəkən “Səhliyalı”nın əməkdaşları şirkət rəhbərliyi tərəfindən ayrılan maddi vəsaitlə təhsil müəssisəsində kompüter labaratoriyası qurublar. Verilən açıqlamada qeyd edilib ki, məqsəd ucqar kəndlərlə yaşayan şagirdlərin də kompüter biliklərinə yiyələnməsini daha əlçatan hala gətirməkdir.

Məktəb rəhbərliyi, müəllim Leyla Qarazadə və şagirdlər “Səhliyalı”nın rəhbərliyinə və kollektivinə atılan bu xeyirxah addım üçün təşəkkür ediblər.